Rasman: Lionel Messi "Inter Mayami" futbolchisi bo'ldi
Опубликовано 07.06.2023 306 0
Argentinalik 35 yoshli hujumchi Lionel Messi AQSHning “Inter Mayami” klubi bilan kelishuvga erishdi. Bu haqda jurnalist Fabritsio Romano o‘z Twitter sahifasida ma’lum qildi. Manbaga ko‘ra, “Barselona” va “Al-Hilol” Messi bilan shartnoma imzolash takliflarni hali to‘xtatmagan bo‘lishiga qaramay, futbolchi faoliyatini MLSda davom ettirish haqida qaror qabul qilib bo‘lgan. Ma’lumot uchun, angliyalik sobiq futbolchi Devid Bekhem “Inter Mayami”ning egalaridan biri sanaladi. Klub MLS sharqiy mintaqasida 16 o‘yindan keyin 15 ochko bilan so‘nggi 15-o‘rinni egallab turibdi. Eslatib o‘tamiz, avvalroq Saudiya Arabistoni delegatsiyasi argentinalik hujumchi bilan shartnoma imzolashni yakunlash uchun Parijga yetib kelgani va so‘nggi 48 soat ichida uni hal qilishi mumkinligi xabar qilingandi.