Aziz Rametov, aktyor, film rejissyori:
“Arslon izidan” kartinasi ustida katta ijodiy jamoa ishladi. Suratga olish ishlarini 5 tadan ortiq davlatda olib bordik. Bu loyihani onam O‘zbekistonda xizmat ko‘rstagan artist, aktrisa Saida Rametova bilan birga bundan 5 yil avval boshlaganmiz. Mana bu yili ularning ulkan ko‘magi va prodyuserligida film katta kinoprokatga chiqdi. Premyerani muxlislar ijobiy kutib olishdi. Bu loyihada eng zamonaviy texnologiyalardan foydalanganmiz. To‘g‘risini aytsam, eng murakkab, qaltis vaziyatlardagi tryuklarni ham aktyorlar bilan o‘zimiz bajardik. Buning uchun barcha ijodiy guruhga o‘z tashakkurimni izhor etaman. Harbiylar uchun o‘tkazgan maxsus tadbirimizda ham ko‘ksim quvonch-u faxrga to‘lib qaytdi. Ularning menga bildirgan cheksiz ishonchlarini ma’lum darajada oqlay olganimdan bag‘oyatda xursandman. O‘ylaymanki, filmni ko‘rgan har bir insonda ona Vatanimizga, tinchligimizga nisbatan ichki hurmat va shukronalik uyg‘onadi. Bizning asl maqsadimiz ham ana shunda. Mehnatimizga bildirilgan har qanday e’tirof ijodiy jamoamizning kelgusi ishlarida tayanch bo‘la oladi.
Рекомендуемые
Вам также может понравиться
